Blockchain para a xestión do Copyright

Blockchain foi aplicado por primeira vez en xaneiro de 2009 como parte esencial do funcionamento de Bitcoin, a primeira e máis famosa criptomoeda. Súas funcionalidades abriron un vasto conxunto de posibilidades para optimizar calquera actividade. Poderá Blockchain facilitar tamén a tan cobizada xestión do copyright?Alterntivas Blockchain para la gestión del Copyright

Advirto que este artigo apenas pretende explicar a persoas neófitas ou até leigas en criptoeconomía que é e como podería axudar Blockchain na xestión do copyright. Por tanto, dou por sentado que se asumen algunhas imprecisións e tamén terminoloxías. Insisto no obxectivo: anunciar que existen múltiples iniciativas para a xestión do copyright nun mundo cada vez máis dixital.

As tecnoloxías da información e internet afectaron (e de feito siguen a facelo) á maioría de sectores económicos. Somos testigos dunha xigantesca disrupción respecto ao mundo analóxico tradiconal. Presaxiaron un mundo dixital e o certo é que nos atopamos nese mundo no que todo é dixitalizable ou está a camiño de selo.

Perante aquel escenario incipiente, como non sentirse tentados a posicionarse canto antes? A promesa era a descentralización e eliminación de intermediarios: calquera podería escribir e ser lido ou facer innúmeras fotografías, retocalalas e ofrecelas a nivel planetario e sen sair de casa!, moi tentador. E o mesmo é valido para calquera outra oferta cultural como a música ou o cine.

Que aconteceu?

Ler máisBlockchain para a xestión do Copyright

Share

Mixxx, software para DJs libres

Pinchadiscos, disc jockey, deejay, DJ… Hai varias denominacións empregadas para diferenciar o nível de creación artística en cada caso. Para non afondar no debate de cal é a denominación apropiada e o significado de seu do termo “creación”, decidín simplificar e xuntalas todas baixo DJs. Daquela poderei centrar o contido no Mixxx (páxina oficial), un Software Libre (en adiante, como sempre, SwL) que serve basicamente para mesturar música.mixxx_200_deere_skin

Pero Mixxx también ofrece unha variedade de funcionalidades, tanto para principiantes (empregando simplemente arquivos de MP3 con teclado, rato e auriculares) como para expertos profesionais porque inclúe ecualización, hotcues, master sync, delay, reverb, pitch, chorus, loops, mesturas automáticas, etcétera xunto á posibilidade de empregar MIDI, vinilos, CDs, sintetizadores, secuenciadores, instrumentos musicais… Ou sexa, é unha aplicación potente á vez que moi divertida.

Uso básico de Mixxx

Poño como exemplo de obxectivo inicial para o uso de Mixxx esa viaxe no que queres evitar ter que ir procurando entre cartafois o tema desexado a cada instante, axustar constantemente o volume, a súa ecualización ou, como alternativa, sofrer o modo aleatorio (random).

Para isto o primeiro, obvio, é RTFM, é dicir, le o manual ou, polo menos, consulta as partes que pretendas empregar. O segundo é dispor do mínimo necesario:

  1. Un computador con teclado, rato e Mixxx instalado. Dá igual o sistema operativo, Mixxx é SwL multiplataforma.
  2. Auriculares conectados e funcionaistraktor-dj-cable
    1. Para que os auriculares sexan funcionais é importante ter en conta que é imprescindible usar un cabo separador de canais (splitter). Mixxx certifica o Traktor DJ Cable (merqueino por 9,99€). Caso contrario, non poderás escoitar nada máis que o que estea soando nese momento, non a siguiente pista que desexas mesturar. Grazas ao splitter poderás escoitar o máster pola canle 1 e os auriculares pola canle 2. Porén, hai unha importante pega, isto separa o estéreo deixando cada unha das canles en monoaural. É demasiado pobre, considéroo apenas recomendable para casos de apuro en sesións ‘en directo’ cando algo inesperado aconteza.
    2. O ideal é engadir unha segunda tarxeta de son. Outra vez, Mixxx recomenda varias tarxetas (listadas algo máis abaixo nesa ligazón). Merquei a Behringer U-Control UCA202 por 33€. Funciona apenas a conectes por USB e configures as opcións de Mixxx para que o máster use a tarxeta externa con canles 1-2 e os auriculares a tarxeta interna con canles 1-2.uca202_p0484_left_l
  3. Axusta as demás opcións de Mixxx como a ubicación dos teus arquivos de audio (MP3, OGG, WAV) e onde queras ubicar as túas sesións de gravación de mesturas.

Listo, xa está todo preparado para usar Mixxx! Comeza o divertimento.

Conclusións sobre Mixxx

Mixxx é moi potente polo que é recomendable dispor dalgunha experiencia previa como DJ ou, se non se dispón desa experiencia, adicar algún tempo de adestramento probando opcións, gravando sesións experimentais e ir mellorando progresivamente. Seguro que moi pronto terás resultados máis que atractivos.

Un detalle que me gustaría ter en Mixxx é poder gravar as sesións por partes. Explícome, Mixxx grava sesións “en directo”. Se te equivocas e queres rectificar a enésima mestura, tés que repetir todo desde o comezo ou armarte de paciencia usando a sesión previa como se fora “en directo” ata o punto no que queiras correxir o teu erro ou, en última instancia, retocar algunha parte con outro software, por exemplo, o editor de audio Audacity.sl-1200gae-1

Polo demais, é un pracer dispor deste software e, no meu caso, unha agradable sorpresa. Hai anos fun DJ profesional (malia que apenas ocasional) empregando tres platos Technics* de arranque instantáneo que aínda é usado a cotío polos actuais DJs.

(*) Technics vs. Tegnix… imaxinades unha das razóns agochadas polas que rexistrei a marca “tegnix”? 🙂

Share

Forma para garantir a migración a SwL

É contrastable a cada vez maior presenza das tecnoloxías libres e abertas en servidores empresariais. Pero, por que non é paralelo este éxito na migración de postos de escritorio?migrando_a_SwL

En canto a servizos, o Software Libre (SwL) dispón dun sólido status en múltiples apartados, ofrecendo solucións seguras, estables e independentes de fornecedores. Migrar servizos engade a estos obvios beneficios, un ventaxoso saldo económico e, non menos importante, un enorme grao de transparencia do proceso. Certo, migrar servizos apenas é perceptible polo persoal da empresa. Seguirá desfrutando do seu correo-e ou unha rede optimizada sen advertir que seus servidores pasaron a basearse en SwL, máis ben ao contrario, se advirtira algo sería unha melloría xeral.

Porén, no escritorio a migración non é transparente, o persoal terá que enfrontarse a unha nova contorna. Poderá ser máis doado, directo e evidente có anterior, pero terá que enfrontarse a un cambio. E calquera cambio, pola súa propia natureza, xera un rexeite inicial. É, polo tanto, esencial incidir neste obstáculo para minimizar os efectos en todo o proceso e, deste xeito, garantir o éxito da migración de contornas de traballo onde sexa posible facelo.

Velaquí onde entra en xogo a formación. Hai que concienciar ao persoal das bondades do cambio e capacitalo para exprimir as cualidades da nova contorna. Acaso non vimos casos de migración entre distintas versións de software privativo nos que non se contou nin sequera coa opinión do persoal afectado e aínda menos ofrecendo unha mínima formación? Semella lóxico que parte do aforro que producirá o proceso migratorio, polo menos a medio prazo, sexa destinado a reducir os efectos da migración da contorna de traballo.

É máis, servirá para capacitar solidamente en tarefas diarias que non sempre foron cobertas con suficiente destreza técnica. Resulta moi doado encontrarnos a persoas traballando todo o día diante dun computador que son ineficaces buscando información, lentas na navegación, descoñecen as mínimas regras de netiqueta, crean contrasinais inseguras e, por suposto, son incapaces de asinar dixitalmente un documento.

Polo tanto, salvando os lóxicos atascos que provoca o software privativo en canto a dependencia polos seus formatos pechados e aplicativos cativos que se consideran cruciais para o correcto funcionamento da empresa, a formación capacitará ao persoal da empresa que decida migrar a SwL incrementando ademais notablemente a súa produtividade.

“O home está condenado a ser libre” Jean Paul Sartre

Nos siguintes artigos…

Abordarei os pasos que estamos dando en tegnix.eu no proxecto de migración dunha empresa industrial pragada de equipos Apple e aplicativos privativos.

Créditos da imaxe: As Salgueiras.

Artigo publicado orixinalmente para o blog de OpenExpo (en castelán).

Share

Vente á OpenExpo 2016

O 2 de xuño estarei na sala FINODEX da OpenExpo 2016 (12.55 a 13.25h) presentando “Cómo vender Software Libre?“. Queres vir? Mándame unha mensaxe empregando o formulario de contacto e terás a túa entrada de balde.OpenExpo

OpenExpo 2016, III Feira e Congreso anual sobre FLOSS e Open World Economy (Open Data e Open Innovation) terá lugar no Espazo MEEU, Ático da Estación de Chamartín (Madrí) reunindo a máis de 2.000 participantes do sector, profesionais e empresas na procura de negocio.

Vente á OpenExpo!

Share

A comunidade como distinción, GPUL-Labs por exemplo

Salín encantado da sesión inaugural de GPUL-Labs, e por moitas razóns. Entre elas, se cadra a máis importante, comprobar que a “comunidade” segue sendo un factor diferenciador, único, unha vantaxe competitiva que xa lle gustaría disfrutar a moitas empresas, do sector que sexa, no só o tecnolóxico. E o mellor é que segue empurrando con forza no mundo do Software Libre (SwL).GPUL-Labs

No pasado a comunidade foi menosprezada, insultada, alcumada de anarquista e sectaria, sexa por intereses creados ou por ceguedade. Dá igual a razón. Hoxe só a ignorancia, sempre tan ousada, poría en dúbida ás súas virtudes e alcance. E un bo exemplo é GPUL.

GPUL é un GUGL (tamén GUL ou LUG no seu acrónimo inglés), unha asociación sen ánimo de lucro nacida en 1998 na Facultade de Informática da UDC. Dende o seu comezo caracterizouse pola seu firme compromiso co SwL. Organizan conferencias e eventos, moitos deles internacionais (GUADEC, aKademy, FOSDEM para 2017…); xornadas técnicas (accesibilidade, introdución ao SwL, install party, Xoves Libres, LaTeX, OSM…); colaboran en documentacións e traduccións (os seus asociados impulsaron o Proxecto Trasno); xerme de empresas (Igalia é unha mostra delas; naceu entre os seus asociados, hoxe é unha multinacional que participa na Linux Foundation); e agora temos que engadir GPUL-Labs.

GPUL-Labs arrancou cun obradoiro sobre Python+Git+GitHub con cheo total. Ateigado tambén no segundo, desta vez para programar unha RaspberryPi, e na terceira con Git avanzado. Lóxico, son materias que non se imparten oficialmente na facultade e sen embargo contan cunha ampla demanda, tanto entre estudantes como profesionais en activo. Por suposto, todos os materiais das actividades son compartidos con licenzas libres.

Como GPUL, hai infindos GUGLs no mundo (listaxe demasiado incompleta en LUG list, véxanse apenas as galegas), asociacións e comunidades de proxectos promocionando, impulsando e desenvolvendo SwL.

É a canteira, son afeccionados, impulsores, guerreirxs do SwL e unha das máis claras diferenzas do modelo que distingue ao SwL frente ao do software privativo, tanto que converteuse nunha vantaxe competitiva, unha excelente distinción.

Share

Colaborando con OpenStreetMap (OSM)

Este é un amplo e detallado conxunto de instrucións con ligazóns ofrecido por Rafa Ávila (@ravilacoya) tralo seu cursiño de introdución a OpenStreetMap durante o Hacking-Rodízio ás preguntas de Dani Espiñeira.

Pregúntome se existe a maneira, ups, perdón, pregúntome como é que se podería facer para consultar todas as ocorrencias dun “tipo de dato”, un… amenity? concreto nun espazo determinado, por exemplo, quero visualizar todos os aparcadoiros de bicis da Coruña, como fago?.

Hay varios xeitos, e depende do que queiras facer cos datos e como visualizalos.

O xeito máis fácil é cos filtros de JOSM. Descargas os datos para a área de interese, e logo filtras os datos nos que estás interesado. Aquí podes ver o resultado. Problema: se colles un área demasiado grande ou simplemente con moitos datos, o servidor OSM non chos vai a dar (obviamente, para non sobrecargar o servidor). Solución: instalar o plugin Mirrored download, e descargar con el (non ten límite, pois usa servidores espello). De feito, con ese plugin podes tamén descargar datos á carta (por exemplo, parkings de bicicletas, poñendo [amenity=bicycle_parking] no campo “XAPI query:”.

Ler máisColaborando con OpenStreetMap (OSM)

Share

Uso de cookies y aviso legal

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies