tegnix Archivos - tegnix.eu

Migrar unha empresa a Software Libre

11/05/201811/05/2018 por Roberto Brenlla

Tiven a tentación de contar a miña experiencia profesional como Consultor TI Independente na OpenExpo de 2017, pero recoñezo que aínda faltaban pasos para completar o proceso de migrar a Software Libre a miña primeira empresa cliente nesta nova etapa: Bran Serigrafic. E non só faltaban pasos, senón que o proxecto era moito maior, bastante máis ca unha migración de tecnoloxías pechadas e escravizantes a outras abertas e libres. Realmente tratábase dunha modernización integral, non só tecnolóxica.

Esa modernización integral supuxo

Ler máis

agrafojo renova a imaxe de tegnix.eu

30/03/2017 por Roberto Brenlla

Apenas unhas pinceladas aquí e acolá para percebir a clase e profesionalidade de agrafojo, estudio de deseño e comunicación visual, ademais de amigo (dos de cinco dedos da man).

Abonda con entrar no seu sitio para comprobalo, ver os seus traballos profesionais a clientes tan importantes como Olimpiadas de Barcelona, Banco Pastor, Cruz Vermella, Camiño de Santiago… Daquela, se adica unhas cuantas horas á estilización da miña marca e un remodelado ao meu sitio por amizade, é todo un privilexio.

Grazas Manuel!

Cómo vender Software Libre?

08/06/201608/06/2016 por Roberto Brenlla

“Cómo vender Software Libre? Por qué `hai que´ mercalo?” foi o título oficial da miña presentación na OpenExpo o pasado 2 de xuño na sala FINODEX.

A miña meta foi aportar unha nova perspectiva á cansina, recorrida e razoada colección de contundentes cualidades que ofrece o Software Libre (SwL). E, polo visto no público, creo que acertei e sorprendín.

Comecei presentando a miña experiencia comercial fóra do ámbito tecnolóxico, meu perfil profesional e a maneira como descubrín o SwL. Foi tal o meu entusiasmo que en pouco tempo me puxen a petar portas para divulgalo: concellos, partidos políticos no propio Parlamento de Galicia e institutos foron as primeiras.

Ler máis

Consultor IT e algo máis

14/02/201719/04/2016 por Roberto Brenlla

Economista Consultor IT, é unha das actualizacións que engadín en tegnix.eu xunto a estas outras

unha fotografía obra de Xoan Piñon, un luxo
Polylang para ofrecer tegnix.eu en multi-idioma
Contact Form 7 para un formulario de contacto
reCAPTCHA como complemento ao formulario
Akismet para evitar o correo lixo (spam)
POWr Social Feed, un plugin que permite a interconexión do WordPress con redes como YouTube, Twitter, Tumblr e outras. Emprégoo para conectar brenlla.tumblr coa páxina redes. Grazas a este último, manteño doado e visualmente atractivo o que vou salientando da rede.

E sigo! Agora toca dar los derradeiros retoques á presentación para a OpenExpo 2016, escribir un artigo para o seu blog e… avanzar no proxecto actual.

Uso de cookies y aviso legal